ტელეფონი პარტნიორის კონტროლის ქვეშ: ნიშნები და რა ვქნათ

• ადამიანმა იცის თქვენი ადგილმდებარეობა ან შეტყობინებების შინაარსი, თუმცა არ გითქვამთ.
• ტელეფონზე არის აპლიკაციები, რომლებიც არ დაგიყენებიათ, ან პროფილი, რომლის წაშლაც არ გამოდის.
• თქვენი Apple-ის ან Google-ის ანგარიში სხვა მოწყობილობაზეა შესული.
• მიიღეთ შეტყობინება თქვენს გვერდით უცნობი AirTag-ის ან მსგავსი ტრეკერის შესახებ.
• ტელეფონი სწრაფად ჯდება და დატვირთვის გარეშე თბება (ეს მტკიცებულება არ არის, მაგრამ შემოწმების მიზეზია).

• პარამეტრები → კონფიდენციალურობა და უსაფრთხოება → უსაფრთხოების შემოწმება (Safety Check): აქ ჩანს, ვის გაუზიარეთ ადგილმდებარეობა, ფოტოები და სხვა მონაცემები, და შეგიძლიათ წვდომა სწრაფად შეწყვიტოთ.
• პარამეტრები → თქვენი სახელი → მოწყობილობების სია ქვემოთ: ხომ არ არის სხვისი ტელეფონი ან კომპიუტერი?
• Find My → ხალხი: ვის უზიარებთ ადგილმდებარეობას.
• პარამეტრები → ზოგადი → VPN და მოწყობილობის მართვა: ხომ არ არის უცნობი პროფილი?

• შეცვალეთ Apple ID-ის ან Google ანგარიშის პაროლი და ჩართეთ ორფაქტორიანი დაცვა — ნომრით, რომელზეც წვდომა მხოლოდ თქვენ გაქვთ.
• გამოდით ყველა უცნობი მოწყობილობიდან ანგარიშის სიაში.
• შეცვალეთ ეკრანის დაბლოკვის კოდი და არავის უთხრათ.
• შეინახეთ საეჭვოს ეკრანის სურათები — შეიძლება დაგჭირდეთ.
• ქარხნულ პარამეტრებზე დაბრუნება შლის როგორც თვალთვალის პროგრამას, ისე მტკიცებულებებს — ეს შეგნებულად გადაწყვიტეთ.

წყაროები: Equality Now — ცხელი ხაზები საქართველოში (116 006, 112)