ჯერ — დრაივერები და განახლებები
პროგრამებამდე გაუშვით Windows-ის განახლების ცენტრი და დააყენეთ ყველაფერი, „დამატებითი განახლებების“ ჩათვლით — იქ ხშირად დრაივერებია. ვიდეობარათისა და თაჩპადის დრაივერები სჯობს ლეპტოპის მწარმოებლის საიტიდან ჩამოტვირთოთ.
საბაზისო ნაკრები
ბრაუზერი: Chrome ან Firefox; Edge უკვე ჩაშენებულია. ოფისი: Microsoft 365 ან უფასო LibreOffice. PDF: კითხვისთვის ბრაუზერიც კმარა, ხელმოწერისთვის — Adobe Acrobat Reader. არქივატორი: 7-Zip. ვიდეო: VLC. კომუნიკაცია: Telegram, WhatsApp, Viber, Zoom. დისტანციური დახმარება: AnyDesk ან RustDesk.
რისი დაყენება არ არის საჭირო
„აჩქარებლები“, „რეესტრის გამწმენდები“ და დრაივერების ავტომატური განახლების პროგრამები. თანამედროვე Windows-ს ისინი არ აჩქარებენ, ხშირად კი აფუჭებენ და რეკლამას აჩვენებენ. მეორე ანტივირუსიც ზედმეტია.
მთავარი წესი: ჩამოტვირთეთ მხოლოდ ოფიციალური საიტებიდან. ვირუსების უმეტესობა, რომლებსაც ბათუმში ვშლი, „უფასოდ ჩამოტვირთვის“ საიტებიდან მოდის.